Life and Power Is in the Seed

For as the soil makes the sprout come up and a garden causes seeds to grow, so the Sovereign Lord will make righteousness and praise spring up before all nations (Isaiah 61:11).

God created seeds to guarantee the fulfillment of future generations. Every plant, animal, bird, reptile, and insect possesses within itself the ability and potential to reproduce itself and to continue the propagation of its species. Consider then the prospect if every seed decided to germinate, develop into a beautiful tree, and have juicy, sweet, seedless fruit. What would be the result? A natural tragedy! Chaos would ensue and ultimately the genocide of mankind would follow as oxygen disappeared from the atmosphere for the lack of

trees.

Please note that the seed in this example did fulfill part of its purpose. It germinated, grew, developed, and even bore fruit. Yet the totality of its potential was not fulfilled because it did not extend itself to the maximum potential of releasing seeds. Because the seed failed to reproduce itself, the next generation of trees was robbed of life, consequently affecting the entire human race and all creation. This is the impact when one element in nature withholds its true potential and refuses to maximize itself. Tragically, there are millions of people who exist in “seedless lives.” They are conceived, grow, develop; they dress up, smell good, and look good; and they even pretend to be happy. 

Yet everything they are dies with them because they fail to pass on everything God gave them. They have no sense of generational responsibility. They have no idea of their duty to the future. No man is born to live or die to himself. When a seed maximizes its potential, it not only feeds the next generation but also guarantees it through the seeds in the fruit. God gave you the wealth of your potential—your gifts, talents, abilities, energies, creativity, ideas, aspirations, and dreams—for the blessing of others. You bear the responsibility for activating, releasing, and maximizing this potential as a deposit for the next generation

"No man is born to live or die to himself"

Urugendo rw’Umukristo: Eliya na Elisa(Igice cya 2)

2. Urugendo barukomereje i Beteli:

Beteli bisobanura mu nzu y’Imana. Muribuka Yakobo ahunze Esau, Imana ikamwiyereka yiseguye ibuye ? Akangutse yasize amavuta ibuye, arangije ararishinga yita aho hantu i Beteli aravuga ngo nungarukana amahoro, ukampa ibyo kurya n’ibyo kwambara nzahakubakira inzu (Itangiriro 28:18-22). Aho ngaho ni ho Yesu yaje kuvukira.

Nyuma yo gukebwa noneho wageze mu nzu y’Imana, uri Amukristo mwiza. Imana ishimwe. Mu nzu y’Imana nagira ngo nkumenyeshe ko habera ibyiza utabona ahandi : hari imigisha yose Imana itanga kuko Salomo umunsi ataha inzu y’Imana yabwiye Imana ngo ngwino winjire muri iyi nzu ikubere ubuturo (1 Abami 8 : 22-53). Igituma abapfakazi, impfubyi bagera mu nzu y’Imana bakanezererwa Imana ni uko inzu y’Imana ari uburuhukiro bw’abantu bayo. Iyo uyijemo ufite ibikugoye, wizera kuruhuka.

Ikibazo rero ni abaje mu nzu y’Imana batarakebwa, bagasanga turashima ko Imana yaduhaye imigisha na bo bagasaba imigisha batarakebwa. Ni cyo kibazo gituma haba uruvange mu nzu y’Imana, kandi muribuka ko Abisirayeli bahaguruka mw’ Egiputa bahagarukanye n’ikivange cy’abanyamahanga, ni bo babakururiye akaga mu nzira bamwe ntibagera mu gihugu cy’amasezerano (Kuva 12 : 38).

Kuko abo bantu rero basabye imigisha batarakizwa ngo bige kubana n’imigisha, iyo babonye imigisha bashakaga bahita basubira inyuma cyangwa iyo migisha baboneye mu nzu y’Imana ikabatera ubwibone. Wambaza ngo kuki Imana ibaha imigisha kandi batarakizwa?

Yego nyine irayibaha kuko ubuntu bwayo bwuzuye isi yose, ivubira imvura ababi n’abeza, no mu mirima y’abarozi na ho ikagwamo, n’uwahinze itabi n’urumogi na ho ikagwamo kuko ubuntu bw’Imana ni bwinshi cyane kandi urukundo ikunda umuntu ni rwinshi, iba imutegereje ngo yenda azakizwa. Kandi umuntu afite uburenganinzira bwose, ashobora gukizwa cyangwa akinangira umutima. Ariko kuko Imana ari umutunzi w’imbabazi, yifuza ko bose bakizwa bakamenya ukuri.

Kandi gusenga ugasubizwa ntibivuga ko uri kumwe n’Imana, ahubwo uhore wisuzuma ko wakebwe mu mutima. Muribuka ko Yakobo yagiye yibye umugisha wa mukuru we (izina Yakobo risobanura umuriganya), ariko mu myaka 20 yamaze kwa sebukwe intama zaragwiriye, abona imigisha myinshi irimo abana n’abagore, ariko icyaha yacyihaniye mu nzira ataha (Itangiriro 32:22-32). Ni ko bimera, ushobora kugira imigisha y’i Beteli ariko utarakebwa.

Ahubwo nubona ibyawe bigenda neza, uhore wisuzuma ubaza Imana uti «Ko uri kumpa umugisha mu bugingo bwanjye ni hazima ? Ubu impanda ivuze nayumva ? » Bizatuma ukomeza kubana n’Imana akaramata, mubane nk’umubyeyi n’umwana. Kandi muzi ko Bibiliya ivuga ku bantu bahawe umugisha n’Imana, ikavuga ngo « Nimumara kurya mugahaga, mukubaka amazu mukayabamo, muzirinde ntimuzibagirwe Uwiteka Imana yanyu» (Guteg. 8:11-19).

Mbifurije kuryoherwa n’imigisha yo mu nzu y’Imana, kandi impamvu abantu benshi batagikunda kuza mu nzu y’Imana ni uko batazi ibyiza bihari. Ariko nta wabarenganya kuko ijambo ry’Imana rivuga ngo «Aho ubutunzi bw’umuntu buri n’umutima we ni ho uba.» Uzi ko Abakristo benshi baza mu rusengero ku Cyumweru, ariko kandi n’ubwo waba utaje mu rusengero uribuka ko wowe ubwawe nawe uri urusengero.

Mbese iyo ugenda uba uri mu mwuka wo kubaha Imana, cyangwa uyubaha iyo uje mu rusengero ? Ikindi gihe upfa ibyo wivugiye upfa uko wifashe ? Ariko niba Yesu atihanganiye abacururizaga mu rusengero kandi yari inyubako yubatswe n’abantu, n’abacururiza mu rwo yiyubakiye ubwe ntazabihanganira. Menya uwo uriwe n’agaciro kawe, Imana izaguha imigisha yose itangira mu rusengero. Amen. Pastor Desire@agakiza.org

UMWICANYI WA KERA NIWE MUVUGABUTUMWA MWIZA: UKO IMANA IKUBONA.

Iki gitondo ndashaka kugaruka ku mugabo w'Umwicanyi ruharwa ugaragara muri bibiriya, uwo yishe benshi, kandi benshi baramutinyaga, iyo bamubonaga bibukaga abo yishe bagahindishwa umushyitsi nuko ariwe ugarutse. yishe beshi ababuza gukurikira inzira ya Yesu, yahohoteye benshi kandi benshi bakutse imitima kubwe, yise ababyeyi kuburyo imfubyi zitamwiyumvagamo, yishe abana kuburyo ababyeyi batamwiyumvagamo.

Amateka ya kera amugira mubi cyane , nkuko nawe wibutse ayawe wakumva hari abo yateye agahinda ndetse bakubona bakakwishisha, kuko uzi uko wabagiriye! uyu tucuga ni Sawuli Imana yaje guhindurira izina akaba Pawulo, uwo tuzi wabwirije benshi, wabatije benshi, wakoze imirimo itangaje kuko nubwo yari umwicanyi Imana yamurebagamo umuntu izakoresha ibikomeye nko kwandika, ibitabo byishi birusha muri bibiliya!

Uyu munsi nkufitiye inkuru nziza! iyo umuntu ari muri Kristo Yesu aba abaye icyaremwe gishya. IMANA buri gihe ntiyibuka ibyacu bya kera ahubwo iturebera ejo hazaza kuko izi neza ko ejo hacu ari heza cyane kuruta ahazaza! Imana ntiyitaye kubyo wakoze bibi igihe cyose witeguye gukora ibyo igusaba ubu! niyo mpamvu Imana atarebeye mumateka ya kera Pawulo, ngo aho ajya hose ivuge ko ari umwicanyi, uyu munsi ndashaka ko ubaho mubuzima bwiza bwo gutekereza ko Imana iguhaye amahirwe yo kubaho mubuzima bwiza ntampamvu yo kwitekerereza mubyahise! 

ndashaka kukubwira ko uyu munsi satani akomeza akongorera akwereka ibyahise, ariko ukwiye kumubwira ko udakeneye kuba muri gereza ya kera ahubwo ushaka kubaka umurwa w'Ibintu bishya, hariho amahirwe yuko umwicanyi, umusambanyi, umujura, umusinzi, n'Aabandi abantu babona bakabona batahinduka , Imana ikibafiteho umugambi mwiza kuko  Imana itaturebera mu mateka. akenshi usanga abantu kugira ngo baguhe akazi bakubaza aho wabanje gukora, gusa Imana ntibibona gutyo kuko ibyo wabanjemo ntahantu bihuriye nibyo ujyiye gukora.

ugiye kuba umuntu udasanzwe kuko ibyakera numara kubyibagirwa, uratangira kwagura inzozi, birashoboka ko wakongera ugasubira mw'Ishuri, byashoboka kongera kuba umwizerwa, wakongera gutera Imbere kuko Imana ikubonamo byishi  cyane, kandi bitarasohora nubwo wowe wireba nk'Umuntu watsinzwe, wibuka amateka mabi gusa, ndashaka kukubwira ko pawulo yari afite uruhande rwiza abantu batari bazi, kuko Imana yamuhaye uburyo bwo gukora neza, ndababwira ukuri yuko abo yakirishije ubutumwa bwiza baruta ubwishi cyane abo yishe umubiri gusa! ntimutinye uwica umubiri, ahubwo mutinye uwica ubugingo.

uyu munsi ndakumenyesha ko hakiri amahirwe menshi niba ukiriho, ahubwo ukwiye kurushah kureba ibiri imbere, Pawulo agera ahantu aravuga ati nibagira ibiri inyuma nkasingira ibiri imbere, ndasiganirwa gufata icyo Kristo yamfatiye. niba ukeneye gutera Imbere ukwiye kwibagirwa ibihe byo gutsindwa wanyuzemo, ibihe byo kuguca intege, ahubwo ukwiye kongera kwegera Imana kuburyo ikwereka ahazaza heza aho abantu bose batakubona ahubwo Imana ikubona!

Ndakwifuriza umugisha utangwa n'Imana!

Pastor M.Gaudin

New Jerusalem Church.

Gukizwa ni ugutera intambwe! Pastor Desire Habyarimana

« Sigara aha »* 2 Abami 2:1-11

Gukizwa ni ugutera intambwe kuko tuva mu bwiza tujya mu bundi.

Iyo ukijijwe ntutere intambwe buri gihe ugana imbere, biba ari ikibazo kuko ni nko kubyara umwana ntakure. Uri umubyeyi wababara cyane ari nta cyo utakoze ngo akure, ariko bikanga. Nkeka ko ariko Imana ibireba iyo ibona umwana wayo amara umwaka yumva ijambo ry’Imana ariko ntakure ngo atere intambwe, areke ibyaha byamuneshaga kera atarakizwa.

Mu buzima bwa Gikristo duhura na byinshi bitubwira ngo «Sigara hano, ntutere intambwe.» Indirimbo y’108 hari aho igera ikavuga ngo «Jye ndi Umukristo, ndakomeje mu rugendo rwanjye. Iby’ino mu isi ndabihinyuye, nsigaye nifuza ibyo mu ijuru.» Bivuga ngo iyo iby’isi utabihinyuye (aho kugira ngo ubitegeke byo bikagutegeka) birakudindiza ntibitume utera intambwe ujya mu ijuru. Kandi muzi yuko turwana n’isi, n’umubiri na Satani. Ibyo byose ni ibigambiriye kudusigaza. Baca umugani mu Kinyarwanda ngo « Umuntu asiga ikimwirukankana, ntasiga ikimwirukamo. »

Gutsinda abandi biroroshye, ariko kwitsinda birakomeye. Kwigisha abandi biroroha, ariko kwiyigisha birakomeye. Bishatse kuvuga ko isi ari yo tugendamo, umubiri turawambaye ibyo byose kubitsinda birakomeye, bisaba gufata icyemezo cyo kudasigara nka Elisa kuko iyo apfa gusigara aho abonye ntiyari kubona umwitero wa Eliya.

Muribuka ko na Pawulo yageze aho akavuga ngo « Ndiruka kugira ngo mfate icyo Kristo yamfatiye. » Ntukwiriye gusigara utaragera kumpera y’umuhamagaro wawe. Ibigeragezo ducamo, 90% biba bigamije kudusigaza. Ariko ntitugomba gusigara n’ubwo dufite inzitizi nyinshi mu nzira ijya mu ijuru.

Hari ubwo n’Imana igucisha mu bigeragezo, kugira ngo irebe ko uzi uwo wakurikiye kandi ko urukundo uyikunda ari urw’ukuri cyangwa ari urumamo. Yesu mu mugani w’umubimbyi yasobanuye ko hari abantu batotezwa kubw’ubwami bw’Imana bikabasitaza bagasubira inyuma (Matayo 13:21).

Aburahamu Imana yamuhaye umwana w’ikinege, hashize iminsi imutegeka kujya kumutambaho igitambo (Itangiriro 22:1). Ariko nyuma Imana ibonye atsinze icyo kigeragezo (adasigaye aho ngo atsindwe), Imana iramubwira ngo « Kuko ukoze icyo, nanjye nzaguha umugisha, uzabe umugisha…

Naomi yagerageje abakazana be, Orupa yisubirirayo ariko Rusi yihambira kuri nyirabukwe (Rusi 1:6). Rusi rero byamuhesheje kuba mu gisekuruza cya Yesu, kandi n’ibyo yari yigomwe yarabibonye, atsinda icyo kigeragezo neza ntiyasigara nka Orupa.

Gideyoni Imana yaramubwiye ngo « Abantu (ingabo) baracyakabije kuba benshi. Manukana na bo mujye ku mugezi mbakugeragerezeyo, uzamenya abo uzatabarana na bo (Abacamanza 7: 4). Yasigaranye ingabo 300 gusa, aba ari bo batsinda ku bw’Uwiteka na Gideyoni.

Burya umuntu wese utarageragezwa yakwemeza ko ari umukiranutsi, ariko Umukristo w’ukuri. Uzamumenyera mu makuba no mu bibazo, ni ho umuntu yerekana Yesu yizeye kuko benshi iyo babinyuzemo ntibabivamo. Nyamara Yakobo 1:12 haravuga ngo « Hahirwa uwihanganira ibimugerageza, kuko namara kwemerwa azambikwa ikamba ry’ubugingo. »

Ntuzacikwe n' igice cya 2........

Pastor Desire@agakiza.org